Embassy of the Republic of Korea
in the Lao People's Democratic Republic

ປະກາດຮັບສະໝັກພະນັກງານເຕັກນິກ 

ສະຖານເອກອັກຄະລັດຖະທູດ ສ.ເກົາຫຼີ ປະຈຳນະຄອນຫຼວງວຽງຈັນ ປະກາດຮັບສະໝັກພະນັກງານ ທີ່ເປັນຄົນລາວ ໃນຕຳແໜ່ງຊ່າງເຕັກນິກຄຸ້ມຄອງອຸປະກອນສະຖານທູດ ຈຳນວນ 1 ຕຳແໜ່ງ, ຜູ້ທີ່ສົນໃຈ ສາມາດປະກອບຊີວະປະຫວັດ ຕາມແບບຟອມ ທີ່ຕິດຂັດລຸ່ມນີ້ແລ້ວ ຍື່ນທາງອີເມວ ມາຍັງສະຖານທູດ ສ.ເກົາຫຼີ ບໍ່ໃຫ້ກາຍວັນທີ 3 ກໍລະກົດ 2024. 

ວັນທີ 18 ມີຖຸນາ 2024

ສະຖານເອກອັກຄະລັດຖະທູດ ສ.ເກົາຫຼີ ປະຈຳ ສປປ ລາວ

• 1.ລາຍລະອຽດຂອງຕຳແໜ່ງ

• 2.ໜ້າທີ່ຮັບຜິດຊອບ

• oຄຸ້ມຄອງ ແລະ ບຳລຸງຮັກສາອຸປະກອນ ທີ່ມີຢູ່ພາຍໃນສະຖານທູດ ແລະ ຊ່ວຍວຽກບໍລິຫານຫ້ອງການ 

* ໜ້າວຽກຕົວຈິງ ອາດຈະມີການປ່ຽນແປງ ຕາມຄວາມຕ້ອງການຂອງສະຖານທູດ ໂດຍອາດຈະມີວຽກເພິ່ມ ຫຼື ຫຼຸດ  ຕາມແຕ່ລະກໍລະນີ. 

• 3.ເງິນເດືອນ ແລະ ໄລຍະເວລາຈ້າງງານ 

• oທົດລອງງານ ເປັນເວລາ 3 ເດືອນ ແລ້ວປະເມີນ ຮັບເຂົ້າເປັນພະນັກງານສົມບູນ 

• oກຳນົດໄລຍະເວລາເຮັດວຽກ : 1ປີ 

• -ສັນຍາຈ້າງງານ ຈະໝົດກຳນົດ ອັດຕະໂນມັດ ພາຍຫຼັງ 1ປີ(ແຕ່ວ່າ, ຖ້າຜູ້ກ່ຽວ ເຮັດວຽກໄດ້ດີຫຼາຍ, ຈະພິຈາລະນາ ຮັບເປັນພະນັກງານຕໍ່)  

• oວັນເຮັດວຽກ : ວັນຈັນ ເຖິງ ວັນສຸກ

• oເວລາເຂົ້າການ : 08:30 – 17:00 ໂມງ(ພັກທ່ຽງ 12:00 – 13:30 ໂມງ)

• oເງິນເດືອນ : ພາຍໃນ 800 ໂດລາສະຫະລັດ(ສາມາດຕົກລົງກັນ ໃນເວລາສຳພາດ)

• oເງິນໂບນັດ : ກໍລະນີ ເຮັດວຽກ 3 ເດືອນ ຂຶ້ນໄປ, ຈະໄດ້ຮັບເງິນໂບນັດ ໃນທ້າຍປີ ເທົ່າກັບເງິນເດືອນ 1 ເດືອນ. 

• oປະກັນສຸຂະພາບ : ໄດ້ຮັບເງິນປະກັນສຸຂະພາບ ຕາມທີ່ກຳນົດໄວ້ ໃນກົດລະບຽບຄຸ້ມຄອງພະນັກງານບໍລິຫານ ປະຈຳສະຖານທູດເກົາຫຼີຂອງກະຊວງການຕ່າງປະເທດຂອງ ສ.ເກົາຫຼີ. 

• 4.ເງື່ອນໄຂຜູ້ສະໝັກ 

• oມີລະດັບການສຶກສາ ຢ່າງຕ່ຳ ຈົບປະລິຍາຕີ ຂຶ້ນໄປ 

• oໄດ້ພາສາອັງກິດ ໃນລະດັບປານກາງ(ກໍລະນີ ໄດ້ພາສາເກົາຫຼີ ຈະພິຈາລະນາ ພິເສດ)

• oເປັນຄົນຖືສັນຊາດລາວ, ມີປະຫວັດຈະແຈ້ງ(ບໍ່ເຄີຍຖືກວິໄນ ຫຼື ລະເມີດກົດລະບຽບ ຢູ່ສະຖານທູດຜ່ານມາ)

• oມີຄຸນສົມບັດດີ, ມີຄວາມຫ້າວຫັນ ແລະ ມີຄວາມຮັບຜິດຊອບສູງ ໃນໜ້າທີ່ວຽກງານທາງການ 

• oຖ້າມີປະສົບການ ໃນຂະແໜງກ່ຽວຂ້ອງ(ຄຸ້ມຄອງອຸປະກອນ(ໄຟຟ້າ, ກົນຈັກ)ໃນໂຮງແຮມ, ຕືກອາຄານ ມາກ່ອນ) ຈະຖືກພິຈາລະນາພິເສດ 

• oຖ້າມີໃບຢັ້ງຢືນວິຊາສະເພາະ(ດ້ານໄຟຟ້າ, ກົນຈັກ) ຈະຖືກພິຈາລະນາພິເສດ. 

• 5.ວິທີສະໝັກ 

• oຍື່ນຊີວະປະຫວັດ ຜ່ານທາງອີເມວຂອງສະຖານທູດ : laos@mofa.go.kr 

• -ກຳນົດສົ່ງເອກະສານ : ບໍ່ໃຫ້ກາຍວັນທີ 3/7/2024 (ຕອນຄ່ຳ 12ໂມງ ທ່ຽງຄືນ)

• -ເວລາສົ່ງຊີວະປະຫວັດທາງອີເມວ ໃຫ້ໃສ່ຫົວຂໍ້ວ່າ: “행정직원 지원(ສະໝັກງານຕຳແໜ່ງບໍລິຫານ(ລະບຸຊື່ຜູ້ສະໝັກພ້ອມ))

• oເອກະສານ ທີ່ຕ້ອງໄດ້ປະກອບ ມາພ້ອມຊີວະປະຫວັດ ມີດັ່ງລຸ່ມນີ້ : 

• -ສຳເນົາ ບັດປະຈຳຕົວ, ໜັງສືຜ່ານແດນ(ຖ້າມີ) ຢ່າງລະ 1ສະບັບ

• -ຂຽນຊີວະປະຫວັດຫຍໍ້ ເປັນພາສາອັງກິດ ຕາມແບບຟອມທີ່ກຳນົດຢູ່ລຸ່ມນີ້ 1ສະບັບ(ໂດຍລະບຸຂໍ້ມູນສ່ວນຕົວພື້ນຖານ, ລະດັບການສຶກສາ, ລະດັບຄວາມສາມາດດ້ານພາສາຕ່າງປະເທດ, ໃບຢັ້ງຢືນວິຊາສະເພາະ(ການຊ່າງ-ເຕັກ ນິກ, ກົນຈັກ), ປະສົບການເຮັດວຽກ ຜ່ານມາ(ຖ້າມີ)) 

* ຕ້ອງລະບຸເບີໂທມືຖື ແລະ ອີເມວຂອງຜູ້ສະໝັກ ໃສ່ໃນຊີວະປະຫວັດ ເພື່ອສະດວກ ໃນການຕິດຕໍ່ພົວພັນ.  

* ກໍລະນີ ເຄິຍໄປຢູ່ເກົາຫຼີ ເປັນເວລາ 1ປີ ຂຶ້ນໄປ, ແມ່ນໃຫ້ລະບຸໄລຍະເວລາ ທີ່ໄດ້ພັກເຊົາ ໃນເກົາຫຼີ ໃສ່ໃນຊີວະປະຫວັດນຳ. 

• -ບົດແນະນຳຕົນເອງ ເປັນພາສາອັງກິດ 1 ສະບັບ(ໂດຍອະທິບາຍຂະບວນການເຕີບໃຫຍ່, ຈຸດປະສົງການສະໝັກວຽກຄັ້ງນີ້, ປະສົບການເຮັດວຽກຜ່ານມາຂອງຕົນເອງ). 

• -ໜັງສືແນະນຳ ຈາກອາຈານ ຫຼື ຄົນຮູ້ຈັກໃດໜຶ່ງ(ພ້ອມດ້ວຍ ປະຫວັດຫຍໍ້ຂອງຜູ້ແນະນຳ ລວມທັງເບີໂທຕິດຕໍ່)

• -ໃບຢັ້ງຢືນການຝຶກອົບຮົມ ຫຼື ຮຽນພາສາຕ່າງປະເທດ(ໄລຍະສັ້ນ-ໄລຍະຍາວ) (ຖ້າມີ)

• -ໃບແຈ້ງໂທດ 1 ສະບັບ(ກໍລະນີ ກຽມບໍ່ທັນກັບການຍື່ນຊີວະປະຫວັດ, ແມ່ນສາມາດກະກຽມມາຍື່ນ ໃນມື້ສຳພາດ ກໍ່ໄດ້) 

• -ສຳເນົາ ໃບປະກາສະນິຍະບັດ 1ສະບັບ 

• -ສຳເນົາ ໃບຢັ້ງຢືນວິຊາຊີບ(ເຊັ່ນ: ໃບຢັ້ງຢືນການຊ່າງ-ເຕັກນິກ, ໃບຂັບຂີ່ລົດໃຫຍ່, ໃບຢັ້ງຢືນພາສາຕ່າງປະເທດ ຫຼື ເຂົ້າຮ່ວມຫຼັກສູດຝຶກອົບຮົມໃດໜຶ່ງ ໃນໄລຍະຜ່ານມາ ຢ່າງລະ 1ສະບັບ(ຖ້າວ່າ ມີ)).

• -ໃບຜ່ານງານ(ຖ້າມີ) 

• 6.ຂັ້ນຕອນການຄັດເລືອກ 

• oຮອບທີ່1 : ແຈ້ງຜົນການຄັດເລືອກແບບຟອມ ໃນວັນທີ່ 5 ກໍລະກົດ ໃຫ້ຜູ້ຖືກຄັດເລືອກ ເພື່ອເຂົ້າມາສຳພາດ. 

• -ໃນຮອບຄັດເລືອກແບບຟອມ ແມ່ນຈະປະເມີນຄຸນສົມບັດ, ປະສົບການເຮັດວຽກ, ຄວາມສາມາດດ້ານພາສາຕ່າງປະ ເທດ, ໃບຢັ້ງຢືນວິຊາສະເພາະ ທີ່ຜູ້ສະໝັກ ຄັດຕິດມາ ແລະ ເງຶ່ອນໄຂອື່ນໆ ທີ່ລະບຸໃນຊີວະປະຫວັດ, ຖ້າເຫັນວ່າ       ກ່ຽວຂ້ອງ ຫຼື ເໝາະສົມ ກັບຕຳແໜ່ງງານ ແມ່ນຜ່ານ.    

• oຮອບທີ່2 : ຄັດເລືອກ ໂດຍຜ່ານການສຳພາດ  

- ຜູ້ທີ່ຖືກຄັດເລືອກ ໃນຮອບທີ່1 ແມ່ນຈະເອີ້ນມາສຳພາດ ເພື່ອປະເມີນລະດັບຄວາມຮູ້-ສາມາດພື້ນຖານ ທີ່ຈຳເປັນ ສຳລັບຕຳແໜ່ງງານ ພ້ອມທັງ ວັດແທກຄຸນສົມບັດ ແລະ ທ່າທີ-ພິບໄຫວຕ່າງໆ 

* ວັນເວລາ ສຳລັບນັດສຳພາດ ແມ່ນຈະແຈ້ງ ໃຫ້ຜູ້ສະໝັກ ແຕ່ລະຄົນ ທີ່ຜ່ານຮອບຄັດເລືອກ 

• 7.ຂໍ້ຄວນລະວັງ 

• oວັນເວລາ ໃນການຮັບເຂົ້າເຮັດວຽກຕົວຈິງ ອາດຈະມີການປ່ຽນແປງ ຕາມເງື່ອນໄຂຂອງສະຖານທູດເກົາຫຼີ ໃນແຕ່ລະໄລຍະ ໂດຍຈະແຈ້ງ ໃຫ້ຜູ້ສຳພາດຜ່ານ ຮັບຊາບ ຕາມແຕ່ລະກໍລະນີ. 

• oທຸກເອກະສານ ທີ່ຍື່ນສະໝັກແລ້ວ ແມ່ນບໍ່ສາມາດຖອນຄືນໄດ້. ອີກຢ່າງໜຶ່ງ ເຖິງວ່າ ໄດ້ຮັບເຂົ້າເຮັດວຽກແລ້ວ, ແຕ່ກວດພົບເຫັນເອກະສານບາງຢ່າງ ຫຼື ທັງໝົດຂອງຜູ້ສະໝັກ ບໍ່ກົງກັບຄວາມຈິງ, ແມ່ນອາດຈະຖືກຍົກເລີກການຮັບເຂົ້າເຮັດວຽກ ກໍ່ເປັນໄປໄດ້. 

• oຄວາມຜິດພາດ ກ່ຽວກັບການຂີດຂຽນ, ຄວາມຂາດຕົກບົກບ່ອງ ຂອງຊີວະປະຫວັດ ແລະ ກະກຽມເອກະສານ ບໍ່ຄົບຖ້ວນ ຖືວ່າ ເປັນຄວາມຮັບຜິດຊອບ ຂອງຜູ້ສະໝັກ. 

• oເຖິງວ່າ ໄດ້ຮັບແຈ້ງວ່າ ສຳພາດຜ່ານແລ້ວ ກໍ່ຕາມ, ແຕ່ຖ້າກວດໃບແຈ້ງໂທດ ແລະ ໃບກວດສຸຂະພາບ ພົບເຫັນ ຜູ້ສຳພາດຜ່ານມີຄຸນສົມບັດ ບໍ່ເໝາະສົມ, ແມ່ນຈະຖືກຍົກເລີກການຮັບເຂົ້າເຮັດວຽກ ຢູ່ສະຖານທູດໄດ້. 

• oກໍລະນີ ຜູ້ສຳພາດຜ່ານ ຫາກປ່ຽນໃຈ ບໍ່ຢາກເຮັດວຽກ ນຳສະຖານທູດ ຫຼື ກໍລະນີ ກວດພົບຜູ້ສຳພາດຜ່ານ ຂາດຄຸນສົມບັດໃດໜຶ່ງ ແມ່ນຈະຮັບຜູ້ສະໝັກ ທີ່ໄດ້ຄະແນນຖັດໄປ ມາເຮັດວຽກແທນ. 

• oກໍລະນີ, ຜູ້ທີ່ມາສະໝັກທັງໝົດ ບໍ່ມີຄຸນສົມບັດເໝາະສົມ ຕາມທີ່ສະຖານທູດ ກຳນົດ, ແມ່ນຈະມີການປະກາດຮັບສະໝັກງານໃໝ່. 

• oໃນກໍລະນີ ເກີດເຫດສຸດວິໄສ, ການຮັບສະໝັກງານນີ້ ອາດຈະມີການປ່ຽນແປງ.